School Ke Woh Din

Yaar school ki beeti baatein badi yaad aati hain,
Woh PT period mein Three-Forms-of-Verb padhna,
specially Learn-Learnt-Learned wala kissa.
Bagal wali class ki hindi medium ki ladkiyon ko taankte the,
Waise bhi apni class ki ladkiyon se uss waqt thashan huya karti thi.

O.T sir ke lecture mein tooti-phuti woh angrezi
"SIR THIS BOY IS PHEKING MY BOTTLE"
Horilaal sir ke period mein sir ki yaawing geente the,
Jab sir History ki lines bhul jaate the toh dheer se chahsma nikalkar use ponchne ke bahane yaad kiya karte the.
MARK HENRY naam unpar sacchi mein suit hota tha.
Aaj bhi bharosa hai L.P Sir DABANNGAI nahi bule honge,
Woh Principal sahaab nange pair gallery mein ghumte honge.
Ramadhar sir ki woh mazakiyaa baatein shayad aaj bhi chalti hongi.
Unki woh ekk line badi yaad aati hai mujhe
"MUNDE MUNDE MAATE BHHINNA"
SEVERAL MIONDS SEVERAL THINKING.....

Reccess mein Choti gate par baithe bhel-wale ko aksar luta karte the,
Kabhi banarsi jaate toh kuch log wapas school hi nahi aate the.
Yaad hai aaj bhi uss bandar Ashok Lohar ki hasi,
Arunkumar Pal ka bench ke niche sona.
Mahesh Gupta ka ek saath Do-Do wada pav khana.
Pramod Mahar ka BolBacchan
Arun Gupta ji puri maths board par khud solve karte the,
Chirag Malviya ka woh non-sense comment maarna,
Dharmendra Chaudhary Kaa Annu bhabhi ka picha karna.
John Nair se R.k vs Royal ka cricket match,
Jahaan meri team aksar hara karti thi.
Arey! Hareram Shah aur Birbal ki khichdi kaise bhul sakta hoon main.

Madam bolti thi ethyl alcohol,
Toh Mahesh ka chidhna.
Aisa lagta maano uske papa ka naam liya ho mam ne.
 Horilaal sir Dabi se puchte
What is the tender of loksabha?
Pata nahi ab talak sir ko jawaab mila bhi hai yaa nahi?

Bohot kuch ab shayad badal gaya hoga lekin abhi bhi
Horilaal sir period ki bell bajane se pehle ek baar apni pant upar karte hi honge.
Birbal sir ki maths ghazab thi aur usse bhi ghazab unki angrezi
"Ther wer tharee botal and out aaf them ban botal is laastt"
(TRUE SENSE : "there were three bottles out of them one is lost")

L.P sir ne hamara "Send- aaff"  (send off) behtar kiya tha
Mithai ke box mein ek kela, Do laddoo, ek samosa.
In sab ke beech, ek ladki, hindi medium se


 

Best Sad Poem

Aansoon ko aankhon se duur rakha hai,
Tamaam dard ko seene mein kaid rakha hai.
Laakh koshishon par bhi toota dil nahi judta hai,
Shayad shikvon ko hi maine apna dil bana rakha hai.
Tamaam dard ko seene mein kaid rakha hai.
Tanhaayi aur khiza ke sang rehna shayad accha hai,
Duniyaa ne toh meri parchaayi se bhi parhez rakha hai.
Aansoon ko aankhon se duur rakha hai,
Tamaam dard ko seene mein kaid rakha hai.

Hazaar sawaal jug karta par haal naa kisine puncha hai,
Syaahi ko jubaan aur kore panno ko meet bana rakha hai.
Tamaam dard ko seene mein kaid rakha hai.
phasaa parinda samandar kinaare behti hawa mein hai,
Dubu yaa udd jaaun kuch aisa haal maine bana rakha hai.
Aansoon ko aankhon se duur rakha hai,
Tamaam dard ko seene mein kaid rakha hai.

Aansoon ko aankhon se duur rakha hai,
Tamaam dard ko seene mein kaid rakha hai.

Top Monsson Hindi Songs

If you are the one having GF/BF,
Make this monsoon quite romantic by staring in eye-depth of each others.
But If you are single like me,
Make your moments more Romantic with the tuft of bollywood songs, like few of these.
> Ishq Bina (Taal)
> In Dino (Metro)
> Bhaage Re Mann (Chameli) *****By Irshad Kamil (My most favourite)
> Jaadu Hai Nasha Hai (Jism)
> Khamosh Raat (Thakshak)
> Phir Mohabbat (murder 2)
> Baatein Kuch Ankahee Si (Metro)
> Bekhauf Mohabbat (Tum Milo Toh Sahi) *****By Irshad Kamil
> Ekk Ladki Bheegi Bhaagi Si (Chalti Ka Naam Gaadi)
> Jo Haal Dil Ka (Sarfarosh)
> Yeh Raat Yeh Chandani (Jaal 1952)
> Ab Mujhe Raat Din (Deewana)
> Kya Hai Mohabbat (Ekk Deewana Tha)
> Zohra Zabeen (Ekk Deewana Tha)
> Dekho Naa (Fanaa)
> Sun Liya (Emotional Attyachaar)
> Lamha Lamha (Ganster)
> Tere Bina (Guru)

Main

Main, mera dil hoon,

Tu meri saans hai.

Main beshak rehta tanhaa hoon,

Tu phir bhi mere paas hai.

Main ekk doobta tinka hoon,

Tu mera kinara hai.

Main andhaa pyaar hoon,

Tu mera sahara hai.

Main kora kaagaz hoon,

Tu meri ibaarat hai.

Main jeeta udaasi mein hoon,

Tu meri sharaarat hai.

Main jise nahi bhul pata hoon,

Tu meri woh haraarat hai.

Main chota saa shaayar hoon,

Tu meri fursat ki soch hai.

Adhoore falsafe....

Tumne mohobbat karna sikhaya tha,
Ab mohobbat pana bhi sikha jaao.
Tumne madhoshi mein jeena sikhaya tha,
Toh hosh mein aana bhi sikha jaao.

Tumne maghroor rehna sikhaya tha,
Phir zara ghumaan karna bhi sikhan jaao.

Tumne tamaam hasratein jagaayi thi mujhme,
Bas inhe mitaana bhi mujhe sikha jaao.

Tumne sohbat mein rehna sikhaya tha,
Faqat ab judaai bhi sehna sikha jaao.

Tumne mohobbat karna sikhaya tha,

Ab mohobbat pana bhi sikha jaao.

Poem For Separation

use apni khushiyon ke saath jeene do,
mujhe meri tanhaayi ke sang rehne do.

jo naazneen kabhi meri ho nahi sakti,
use mere khwaabaon se juda rehde do.

Muntazir hona bilkul fizul hoga shayad,
isliye uska intezaar mere liye karna bhi rehne do.

uske naseeb mein shayad koi aur hai,
kisi aur ke khayaalon mein use rehne do.

jo haseen lamhe uske saath bitaaye the,
unhe faqat zahen ki yaadein hi rehne do.

khuda ne hi tumse milaya aur usi ne juda kiya,
mujhe yunhi be-gumaan ab rehne do.

use apni khushiyon ke saath jeene do,
mujhe meri tanhaayi ke sang rehne do.

-Written and Owned by,
Amit Valmiki.

Takleef Hi Manzil Deti Hai

yahaan par kisi ke dagmagaate kadmo ke nishaan hain,
iss dagar se koi pareshaan pidhit musaafir guzra hoga.
yahaan ki dhul mein mili chand paseene ki boondein hain,
shayad mehnat karke woh shaaks yahaan tak aaya hoga.
badgad ke ped ki chaya mein us pathik ke girne ki chaap hai,
thakk haar kar woh beshak murjhaaye fulon jaise bikhra hoga.
aage ekk modd par maine mudne ke koi nishaan nahi paaye hain,
itne baadha seh kar bhi woh balwaan maano aage bada hoga.
thoda aur badhne par ek khat mila jisme likhe logon ke taane the,
woh sab ko sehta gaya bas apne dil ki sunta uss raah par data raha.

betodd apne iraadon se beshak usne apni manzil paa hi li hogi.....