YEH RAAT HAI YAA KOI SAFAR

yeh raat hai ya koi safar,
waqt teri yaadon ke sang chal raha hai.
aaj fir teri yaad aayi hai,
pass mere fir tanhaayi hai.
chalo thik hai humsafar nahi the humtum,
warna samaah aur hota gumsum.
yeh raat hai ya koi safar,
waqt teri yaadon ke sang chal raha hai.

jo do kadam saath chale,
bas unhi yaadon ka saath hai.
ab jinda toh hoon main,
par zindagi kahaan saath hai.
yeh raat hai ya koi safar,
waqt teri yaadon ke sang chal raha hai.

teri hi tarah tera ghamm bhi haseen hai,
bin tere banjar yeh zameen hai.
ghamm toh baki bhi sahe the,
par tera gham kyun chubh rah hai.
yeh raat hai ya koi safar,
waqt teri yaadon ke sang chal raha hai.

WO MUJHE DEEWANA KEHTE HAIN

Dilkash tere nazaron mein dooba rahta hoon,

Hairath se log taakte huye wo mujhe deewana kehte hain.

Jin panno par likhe tere naam ko padhta hoon,

Himayat ke lafz dete huye wo mujhe deewana kehte hain.

Jis raah par tere hone ka ehsaas pata hoon,

Khushi ka ehsaas dete huye wo mujhe deewana kehte hain.

Shaam ko jo teri yaadon mein khota hoon,

Lamhe bhi thamkar ab wo mujhe deewana kehte hain.

Aashiyane banaye jo tere ghar ke saamne,

Tere milne ki soch mein wo mujhe deewana kehte hain.

Kavitayein jo likhi tere khayalon mein raat bhar baithe,

Dil ko bha kar ibaarat meri wo mujhe deewana kehte hain.

Sabko begaana kar bas teri soch mein rahta hoon,

Ab apne bhi dekhkar wo mujhe deewana kehte hain.

Pyaar mein tere iss kadar jeeta hoon main,

Aashiqui ke parwane bhi wo mujhe deewana kehte hain.

Jab tak tu mere khaabon se ho juda neend na aaye,

Bechain hokar raat bhi wo mujhe deewana kehti hai.

Kya nidaan hai mere in armano ka,

Bas tera saath hi hai ant mere inn khaabon kaa.

Der na kar khudko mujhse milane mein tu,

Kal kahin log yeh na kahe ki koi deewana tha……

Armaano mein kuch aise tu aati hai

Armaano mein kuch aise tu aati hai,

Ke har jharno mein teri boond milti hai.

Aur har raah mein teri sohbat khalti hai.

Manzil ki sazhar phir bhi paas mein lagti hai,

Par tere Milan ka pal jannat ke paar lagta hai.

Armaano mein kuch aise tu aati hai,

Ke sham ki kshitij mein tere noor ki roshni milti hai.

Nigaahon ki hado se aage tere hone ka ehsaas dilati hai.

Khuda ke waas tak mera safar tay ho chuka hai,

Bas tere milne ki der aur sab-kuch ho chuka hai.

Armaano mein kuch aise tu aati hai,

Ke bin kuch jaane-soche chal pada mera kaarwan hai,

Har chahat se tu besh hai yeh mujhe gyaat hota hai.

Tere paas aane sekhwaabon ki tamir ban jati hai,

Bin tere khwaab dekhe meri neend gair raat jag jaati hai.

SABAB TERE LIYE

Barambaar lagaye chakkar,

Galiyon se teri guzarne ke bahaane.

Jab deedear na huaa toh,

Kar li doston se gupshup thodi.

Waqt beet gaya doston mein kitna,

Par tere gair tha har lamhaa tanhaa mera.

Lautaa jab ussi gali se jahaan thi teri sazhar,

Shukriyaa kiya maine khuda kaa.

Der se hi sahi, noor-e-chehra toh dikha tera.

Tujhe taankta dekh,

Doston ne kiya tana-bana mera.

Khushi se aaj bheeg chukka hai,

Iss raat ka lamha-lamha mera.

Mujhe guzarta dekh mudi toh thi tu,

Phir bhi shak huaa, kya wo harkat tune ki mere liye?

Hasi bhi thi tu dekhkar meri or,

Par rah gayi hai namie,jahaan aankh ki hai kor.

Nashtar jaise teri painee nazron ne,

Chalni kar diya mere dil ke kono ko.

Bhale hi dheeme se aayi thi,

Par teri khushboo ne, tere piche se aane ka ehsaas de diya.

Aaj ki raat fir tune mujhe tanhaa kar diya hai,

Kaali raat ko aaj fir tune teri laal chunari ke rang me rang diya.

Mahinaa bhar tere sapno mein rahungaa main.

Aur huya hai yeh jabse….. Barambaar lagaye chakkar,

Galiyon se teri guzarne ke bahaane.

COMMON WEALTH GAMES

Hoo……..
O... o... o……
Tum jiyo utho aur chalo,
Bas aage tum badh chalo…..{2}
Bas tumhaara hi ho samaah,
Aur tumhaara hi ho jahaan.
Kar lo maksad par tum amal,
Bikheron khel se tum aman.

Tum jiyo utho aur chalo,
Bas aage tum badh chalo…..{2}

Thaanlo manzil ko tum,
Himmat badhakar sapno ko tum thaamlo……….
Saath saathi ka dum,
Nazrein failakar armaano ko tum thaamlo……….
Bas tumhaara ho naam,
Aur dekhegi duniya tumhaara kaam.
Kar do ekjut rahne ka wada,
Bikhero fool gulshan se jyaada.

Tum jiyo utho aur chalo,
Bas aage tum badh chalo…..{2}

woh raahi -zindagi ke safar ka.....

Abhi sikha bhi nahi,
chalna wo raahi,
Ladhe bina hi gira,
kudrat se hai traahi.

Bin kadi dhoop sahe,
kaise chamkega suraj saa.
Bas khade rahe khuda ke dar,
Kaise banega wo khuda saa.
Jalegaa jab wo rahon mein,
Tabhi toh kaamyabi legi use Baahon mein.
Yahi hai duniyaa ka khel,
bin karam kiye nahi hai khushi se mel.

Abhi sikha bhi nahi,
chalna wo raahi,
Ladhe bina hi gira,
kudrat se hai traahi.

Bin gunjte mausam ke,
kaise bhigega baarish mein wo.
Bas parde ke piche rahne se,
Kaise dikhega khud manzil ko wo.
Bhigega wo jab sard mausam me,
tabhi toh jaayege dard aankhon se.

Abhi sikha bhi nahi,
chalna wo raahi,
Ladhe bina hi gira,
kudrat se hai traahi.

A city with a dim light,

streets are still empty.

The time is passed in night,

But still dreams in eyes are dusty.